一哥點心 (Closed)

朝早同男友去睇完早場, 想去飲個茶。就上openrice search到呢間, 決定去試一試。大概中午12點去到, 剛剛有位不用等。但後來都開始多人了。坐的位置頗為擠迫, 不算好坐。店內的點心款式選擇都算多,  我地2個人揀左6款點心試。春風得意腸餐牌寫呢個係必食。 味道好唔錯, 幾有新鮮感的。 腸粉裡面唔知包住咩, 但好脆口的, 上面放左d蟹籽。我就覺得幾好食的, 但我男友就略嫌佢界口但我覺得值得一試的。 提提大家, 淋左豉油後就快D食, 如果唔係豉油吸得多, 尾後食會好咸。原隻大蝦燒賣呢個, 真係要吐糟。 留意返, 呢個賣相係佢一上枱已經係咁樣。東歪西倒的, 蒸到塌左。味道普通到冇可再普通, 上面隻蝦冇乜味的, 酒樓個d好食好多。呢個真心唔好試千島醬脆皮蘿白糕呢個味道係唔錯的, 脆口, 千島醬加鏗魚片嘅配搭好有新意。唯一問題係食緊嘅時候, 唔係好覺自己食緊蘿白糕同埋呢個真係同人share先好叫喇, 如果唔係自己1個人食晒一碟, 真係太heavy。香煎菜肉包呢個賣相好靚, 有隻小鐵鑊上菜的。ok啦, 冇乜特別。喜歡食生煎包嘅人可以一試。黑松露鮮蝦餃蝦餃來講, 佢都ok, 大大粒的。