裕滿人家 (Closed)

幫襯過數次，食物招呼都還可以。最近幫襯係因為另一間酒樓無位泊車，咁就轉場嚟呢度 （其實多數會幫襯都係呢個原因 🙈🙈）嚟親呢度都有位，又有免費泊車，都算坐得舒服，今次幫襯可能疫情關係，情況更加淒慘，全間酒樓都唔知有無 10 檯客 🥺🥺一坐定每位送半隻乳鴿，我哋跟住叫咗碟油麥菜，黑豚肉煲再加碟蝦伊麵，伊麵有辣但好惹味。奇怪呢間食評唔太好，但我幫襯幾次又唔係咁差，可能我好彩掛？碟麵原本漏咗單，追一追好快就上返啦。酒樓無乜人，可以同朋友慢慢傾吓計， update 吓近況，而家咁嘅時勢，唔知幾時又出限聚令又無得出嚟食飯架！