四季文昌 (Closed)

今次已經係來*四季文昌*第二次了，記得上次散嗌＄1000左右埋單都唔夠飽今次試吓嗰套餐先！因為都係驚好似上次唔飽，所以我哋四個人叫左嗰五至六人套餐頭盤個刺身拼盤同小食拼盤，刺身拼盤象拔蚌有啲腥，要陸一陸先夠膽食。湯底係椰子雞，椰子湯底夠晒清香，個雞味道就一般般。海鮮都係冇乜特別，不過手打丸拼盤啲丸質地夠晒滑亦都好夠味個牛就有啲失望😞好鞋冇乜牛肉味。蔬菜籃就菜類比較多有金菇有生菜今次嗌套餐關係都幾多嘢食(有啲冇影相)，所以人均消費＄250咋，又夠晒飽，環境總算坐得舒服😌