Video
Read full review
2021-09-17
162 views
入到嚟呢間餐廳，叫左個人參雞同芝士年糕麵。喺等緊主菜上菜前， 飲咗口茶，有淡淡嘅茶香而唔係好普通嘅茶。不錯！隨即，上左三道免費嘅前菜， 包括有芽菜、泡菜、同埋薯仔。 薯仔嘅味道好似醃過糖水咁，甜到好似蕃薯咁，覺得有說不出嘅奇怪， 試咗一嚿就冇食落去。其餘兩道菜有正常嘅發揮，芽菜鹹鹹香香幾好食，而泡菜就香香辣辣。個人認為係比其他餐廳嘅泡菜好食。然後上咗人蔘雞，呢度菜係熱騰騰起曬泡起曬煙咁上。特別之處係竟然有蛋花。成個湯雖然都ok好飲，但係就鹹咗啲。蔘味係有嘅，不過容易被鹹味蓋過。啲飯索到濃濃嘅湯汁，幾好食，但略嫌唔夠黏身。而雞就係好普通嘅鞋鞋哋嘅雞，但都淋身嘅，唔會話食得辛苦。到芝士年糕麵，真係超級大份。成份麵，最主要嘅味道係辣辣甜甜，非常開胃，加上淡淡芝士，真係有一種幸福感。而且內附一隻全熟嘅蛋添。總結，其實味道唔可以話超好食，但不錯。仍推薦一試！
隨即，上左三道免費嘅前菜， 包括有芽菜、泡菜、同埋薯仔。 薯仔嘅味道好似醃過糖水咁，甜到好似蕃薯咁，覺得有說不出嘅奇怪， 試咗一嚿就冇食落去。其餘兩道菜有正常嘅發揮，芽菜鹹鹹香香幾好食，而泡菜就香香辣辣。個人認為係比其他餐廳嘅泡菜好食。
然後上咗人蔘雞，呢度菜係熱騰騰起曬泡起曬煙咁上。特別之處係竟然有蛋花。成個湯雖然都ok好飲，但係就鹹咗啲。蔘味係有嘅，不過容易被鹹味蓋過。啲飯索到濃濃嘅湯汁，幾好食，但略嫌唔夠黏身。而雞就係好普通嘅鞋鞋哋嘅雞，但都淋身嘅，唔會話食得辛苦。
到芝士年糕麵，真係超級大份。成份麵，最主要嘅味道係辣辣甜甜，非常開胃，加上淡淡芝士，真係有一種幸福感。而且內附一隻全熟嘅蛋添。
總結，其實味道唔可以話超好食，但不錯。仍推薦一試！
Post
