韓Cook (Closed)

禮拜五晚想食韓國野。唔算肚餓，又唔想熱氣，又唔想排隊，見到呢間剛好有位就決定一試。坐落唔算闊落，一張六人檯，隔離三個，我地兩個，中間無隔開。我地叫左一個烤雜肉，一個炸醬麵，同一個泡菜豚肉飯。好快就上左3小碟：泡菜，茄子，大豆芽。不過見到隔離檯有薯仔粒又想食薯仔粒...烤雜肉都好香，好惹味，有d洋蔥係底所以唔會好油。炸醬麵一上檯時賣相就一般，同埋好似好細碗咁，不過食落又剛好。泡菜豚肉飯就一般般，稍微有少少咸。最後埋單300蚊有找，臨走時見到韓式豬手賣相唔錯，下次會試下。