小南國 (Closed)

同朋友出街多數都係食西餐，但係因為已經連續三日食pizza，所以真係夠喇!! 好彩行完街想搵野食之際小南國出現眼前，諗都唔諗就要食喇! 因為差唔多九點既關係，唔可以食d太heavy既野，所以三個女仔只係叫左蟹粉炒年糕、窩貼、蟹粉小籠包、生煎包、砂鍋雲吞雞。蟹粉炒年糕 - 食呢個餸既精髓係靠個醋，本身係無咩味既，不過一加醋黎吊味，蟹粉即刻變得鮮味! 年糕又夠稔，有仲d蟹肉絲tim，唔錯!窩貼 - 第一次喺小南國食呢類小食，估唔到個造型係咁特別! 味道ok! 蟹粉小籠包 - 有d失望，因為size比較細粒，同埋應該要用紅蘿白墊一墊個小籠包會好d，因為我地三個都夾爛左，個小籠包痴住左張底紙，d湯漏哂出黎.......生煎包 - 新鮮熱辣，個底脆，包面稔，入面仲有好多湯，好濃好鮮甜! 不過都係唔夠上海既楊生煎好味~仲有砂鍋雲吞雞，不過無得影相，因為係分哂先送上黎，不過都係有d失望，因為d湯好似味精湯咁，同埋比較油膩，不過有好多雲吞，似菜肉雲吞，好大粒，好似食極都食唔完咁~