蔡瀾越南粉 (Closed)

星期日晚係大館睇完戲落返中環搵野食，經過見無人排隊，梗係試下先！入到去其實比想像中大，坐地下最盡，有個半透明廚房可以見d師傅行黎行去😂兩個人嗌左：泰國金柚沙律（$38）、香茅烤豬頸肉春卷撈檬（$68）、特別牛肉湯河粉（$128），金柚沙律比想像中fancy，有幾多唔同既調味，但個主角金柚偏酸，所以唔夠好食。撈檬幾好！份量又夠，豬頸肉烤得幾香，不過春卷就無咩特別。特別牛肉湯還好，係有少少偏貴，但適合心思思想試晒各款牛既朋友。