幸福堂 (Closed)

有一日同朋友經過登打士街，見到真幸福堂開始試業，鐘意飲台式飲料的我立刻就買左佢地的招牌黑糖珍珠鮮奶。我叫了少冰，因為多冰溶化會溝淡奶味。由落單到攞到野飲大概等了十五分鐘，其間我見到隻烏繩係個手炒黑糖鑊上飛來飛去，我幾驚佢飛落去游水。就係嗰15分鐘我一直注視隻烏繩確保我的飲品未受到污染！(隻烏繩飛太快我影唔到)手炒黑糖既哥哥見到烏繩係咁盤旋都毫無懼色亦無打算保護碟黑糖。。如果有客真係食到隻烏繩咁點算🤭終於攞到飲品，珍珠都幾煙韌，不過都係欠缺啲黑糖未，唔太出，奶味都算濃。整體而言都係台灣嘅幸福堂好飲啲。