Video
Read full review
2019-06-24
1474 views
觀塘真係一個好地方，工廈有好多隱世美食。諗住夜晚駱駝漆應該會好冷清，點知上到黎差唔多爆滿，估唔到大家都識得摸到上黎搵野食😆。初初以為剩係得蒸野，原來仲有好多唔同類形既菜式選擇😚。✨呢度環境唔算大，不過有大圓枱都幾啱一家人黎食飯，佢仲有d預訂菜式ga ~~✨平時多數得d 普通茶水，但呢度竟然有八寶茶，仲要係真材實料👍🏻而且無加糖，真係好啱我呢d養生系❤️ 個茶杯仲好有特色，古色古香影相一流。✨冰鎮鮑魚（$68/隻）：天氣咁熱黎個冰鎮鮑魚先，size 都幾大隻。食落爽口彈牙仲好鮮味，而且唔會韌👍🏻因為有青瓜鋪底，食果時沾到d 青瓜味幾清新～～拌碟仲有d 酸蘿白，可以開定個胃～～✨姫松茸燉豬𦟌湯（$42): 超熱勁足料，有姫松茸，蟲草花，桂圓，豬𦟌。啖湯飲得出無味精，好清甜，舊豬𦟌腍到不得了，飲完個湯感覺好滋補，✨籠仔蒸龍躉腩加炒飯（$168): 兩個人食都幾飽，龍躉都成十幾舊，飯量都唔少😛。龍躉件件都啖啖肉仲要無咩骨，食落幾鮮嫩。炒飯軟硬適中，入面有雞蛋，加埋蒜蓉，蔥花同豉油撈埋一齊真係幾香幾好食👍🏻✨黃金蝦（$178/8隻): 佢既咸蛋黃味超強，咸蛋黃同d炸漿融為一體，食落去勁香脆。第一次
初初以為剩係得蒸野，原來仲有好多唔同類形既菜式選擇😚。
✨呢度環境唔算大，不過有大圓枱都幾啱一家人黎食飯，佢仲有d預訂菜式ga ~~
✨平時多數得d 普通茶水，但呢度竟然有八寶茶，仲要係真材實料👍🏻而且無加糖，真係好啱我呢d養生系❤️ 個茶杯仲好有特色，古色古香影相一流。
✨冰鎮鮑魚（$68/隻）：天氣咁熱黎個冰鎮鮑魚先，size 都幾大隻。食落爽口彈牙仲好鮮味，而且唔會韌👍🏻因為有青瓜鋪底，食果時沾到d 青瓜味幾清新～～拌碟仲有d 酸蘿白，可以開定個胃～～
冰鎮鮑魚
13 views
0 likes
0 comments
✨姫松茸燉豬𦟌湯（$42): 超熱勁足料，有姫松茸，蟲草花，桂圓，豬𦟌。啖湯飲得出無味精，好清甜，舊豬𦟌腍到不得了，飲完個湯感覺好滋補，
✨籠仔蒸龍躉腩加炒飯（$168): 兩個人食都幾飽，龍躉都成十幾舊，飯量都唔少😛。龍躉件件都啖啖肉仲要無咩骨，食落幾鮮嫩。炒飯軟硬適中，入面有雞蛋，加埋蒜蓉，蔥花同豉油撈埋一齊真係幾香幾好食👍🏻
籠仔蒸龍躉腩加炒飯
$168
18 views
0 likes
0 comments
✨黃金蝦（$178/8隻): 佢既咸蛋黃味超強，咸蛋黃同d炸漿融為一體，食落去勁香脆。第一次食到呢種感覺既黃金蝦，差d連個殼都想食埋😚。 蝦肉彈口鮮味，肉質結實大大隻，呢個蝦邪惡得黎幾有驚喜。 其他口味就得6 隻，店員話因為係再大隻d ~
黃金蝦
$178
7 views
0 likes
0 comments
✨香菇杞子北芪銀山焗雞（$98): 呢個雞見枱枱都有叫咁濟，睇黎係招牌菜。個雞真係好嫩滑👍🏻就算係雞胸位都唔覺好嚡，個豉油啱啱好唔會太咸。最特別係有粉絲同金菇菜鋪底，個金菇菜真係好好食，連個粉絲都入晒味。今餐真係超飽超滿足😍下次一定帶埋屋企人黎試。
香菇杞子北芪銀山焗雞
$98
14 views
0 likes
0 comments
Post
