Video
Read full review
2015-07-26
859 views
香港人除咗生活急促，生態仲好獨特，例如鐘意冬天食雪榚、夏天打邊爐，突然挑起條筋想試下「如何大熱天時打邊爐」。不過人大咗，相對起「任食」，「質素」更形重要，記起大角咀有間「靚煲皇」，搬鋪後一次都未去過，於是就約埋男公關再次出征。成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。除咗前菜，阿姐亦會遞上醬料Box，方便客人依個人口味「混醬」。邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲
成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。
冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。
特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！
一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。
除咗前菜，阿姐亦會遞上醬料Box，方便客人依個人口味「混醬」。
邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。
靚煲皇
$238
54 views
0 likes
0 comments
靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲做底，上面鋪上多隻大扇貝、魚乾、魷魚乾，光睇到都興奮！
打邊爐前梗係要試下頭啖湯，豬骨入味香淋，而且肉同軟骨勁多，真係啖啖骨膠原！湯頭絕對要讚，入口除咗濃濃嘅豬骨味，仲有淡淡嘅海鮮鮮味，加上微微嘅胡椒香辣，真係一飲就停唔到口！嗰一刻我曾經諗過「不如剩係飲湯飽算」。順帶一提店員姐姐好好人，因為唔知湯底入面有栗米同蘿蔔，原本有落到，姐姐見到後特登走過嚟同我哋講入面有，問要唔要取消，好貼心。
桂花蚌
$108
52 views
0 likes
0 comments
每次打邊爐必叫，幾新鮮，淥幾秒爽口微甜。
雪花肥牛
$68
37 views
0 likes
0 comments
開頭我以為會嚟啲酒樓未融雪一大舊勁薄嗰啲，所以好驚喜，好有肉香，雖然油脂多，肉質都較韌，不過好有咬口，意外地正！
手切肥牛
$178
60 views
1 likes
0 comments
特登叫多款較貴嘅牛肉感受一下分別，因為手切所以每塊都好薄，而且油脂明顯上面個款少得多，牛味亦較重。
等級，係食得出嘅。
手打墨魚滑
$98
47 views
0 likes
0 comments
黏性幾高，淥完後都好彈牙，不過唔知係師傅調味重口咗，定湯底濃，食落略咸同重胡椒味。
手打墨魚丸
$78
45 views
0 likes
0 comments
意外叫錯（明明應該叫四寶，到底班FD有幾鐘意墨魚？），雖然同樣係墨魚，但同「滑」又唔同滋味。質感實淨非常，彈性十足，唔鬆散，而且吃到墨魚粒，單係呢點經已加咗唔少分。
包心芝士丸
$48
44 views
0 likes
0 comments
皮雖然厚，但好彈有咬口，亦因為厚皮，內涵嘅芝士剛好受熱融化而唔會漏出。成粒放入口唔覺熱，但一咬芝心立即激射而出。
無錯，我呢下就灼親喉嚨。
蟹籽包心丸
$48
41 views
0 likes
0 comments
整體同芝士丸差唔多，都比出面食嘅好味。
豆卜
$38
29 views
0 likes
0 comments
無乜特別值得彈，不過質素的確係比一般食肆好，吸收埋湯嘅精華真係不得鳥！
白鱔片
$78
73 views
0 likes
0 comments
家下物價咁貴，$78蚊食到大條白鱔片，而且新鮮得嚟份量都幾足，我心足鳥。
不過如果切厚少少口感會更正，始終食鱔都係鐘意種煙韌咬口。
黃沙豬潤
$32
58 views
0 likes
0 comments
雖然睇落好新鮮（事實的確都係好新鮮），不過可惜味道無想像中咁鮮甜。不過要讚每塊豬潤都吉咗些少針洞，方便淥個時睇到有無血水出，唔會咁易Overcook。
娃娃菜
$28
45 views
0 likes
0 comments
新鮮，不過相對就咁食，佢嘅煲湯作用更大。
唐生菜
$28
44 views
0 likes
0 comments
一睇就知有幾新鮮，而且本身味濃，相對娃娃菜我更鐘意呢種。
炸鮮魚皮
54 views
0 likes
0 comments
同出面一包包即開即食嗰啲好唔同，用鮮鯇魚腩皮即炸，外面金黃香脆，但脆卜卜下嘅魚皮仍然保持煙韌。而且咸咸地，就算唔淥齋送酒都好一流！
手打烏東
$10
59 views
0 likes
0 comments
Meun無寫係手打烏東，開頭以為會係cheapcheap酸味烏東，突然感覺到「果然唔係靚料唔上檯」。
Asashi
42 views
0 likes
0 comments
綠茶甜品
63 views
0 likes
0 comments
Other Info. :
老實講家下越嚟越多「邊爐」、「雞煲」、「部隊鍋」嘅鋪頭，但可以用中等價錢食到優質食物又有幾多間？一個唔好彩仲要受店員黑面。
可以$230食到高質又飽肚嘅邊爐，如果有FD叫我去打邊爐，我諗都係靚煲皇做首選，至少肯定唔會「貼錢買難受」。
(The above review is the personal opinion of a user which does not represent OpenRice's point of view.)
Post
