Video
Read full review
2023-07-11
131 views
烤魚成日食，望住維港靚景食烤魚就真係少啲🤭✨ 【金菠蘿酸辣 - 魔鬼地獄】鴛鴦烤魚平時食烤魚每次只可以食一種口味，今次可以一次過滿足哂兩個願望🤪海鱸魚配上兩種湯底 - 金波羅酸辣味同魔鬼地獄味。金菠蘿酸辣湯底以新鮮菲律賓菠蘿同自家製金湯為基底，味道清新，同時帶點酸辣；魔鬼地獄就以三種辣椒為主打，包括印度魔鬼辣椒、中國魔鬼辣椒和普通辣椒干，絕對係鐘意食辣嘅最愛🤤✨咕嚕咕嚕元氣九宮格有麻辣花生、冰鎮話梅涼瓜、甜蜜BB茄、招牌撈起麻辣手撕雞、跳水一口牛舌、捧打豬八戒、蒜泥拍黃瓜雲耳同酸辣泡大白菜，啱哂有選擇困難嘅我🤭賣相好有霸氣，個人最喜歡拍黃瓜同泡大白菜。食完烤魚仲可以額外加餸打邊爐，叫左雪花肥牛卷同三國演義。後者即係墨魚三色滑，以三色墨魚滑製成，分別為南瓜味、波菜味同原味，好香好彈牙，幾特別！然後每人一杯勁量1.3公升嘅特色飲品😳真心大杯，爽歪歪🤘🏻✨菠蘿Me - 融合蜜瓜、菠蘿同梳打，甜甜地又夠fresh✨洛柚柚 - 以洛神花、柚子蜜同梳打為主，酸酸甜甜，解辣一流✨咕嚕咕嚕圍爐肆甜非常喜歡呢個甜品💛賣相精緻，顏色配搭好靚，味道都好正！清甜爽滑桂花冰粉，配上士多啤梨/藍莓等水果，仲有啲乳
烤魚成日食，望住維港靚景食烤魚就真係少啲🤭
✨ 【金菠蘿酸辣 - 魔鬼地獄】鴛鴦烤魚
平時食烤魚每次只可以食一種口味，今次可以一次過滿足哂兩個願望🤪
海鱸魚配上兩種湯底 - 金波羅酸辣味同魔鬼地獄味。
金菠蘿酸辣湯底以新鮮菲律賓菠蘿同自家製金湯為基底，味道清新，同時帶點酸辣；魔鬼地獄就以三種辣椒為主打，包括印度魔鬼辣椒、中國魔鬼辣椒和普通辣椒干，絕對係鐘意食辣嘅最愛🤤
✨咕嚕咕嚕元氣九宮格
有麻辣花生、冰鎮話梅涼瓜、甜蜜BB茄、招牌撈起麻辣手撕雞、跳水一口牛舌、捧打豬八戒、蒜泥拍黃瓜雲耳同酸辣泡大白菜，啱哂有選擇困難嘅我🤭
賣相好有霸氣，個人最喜歡拍黃瓜同泡大白菜。
食完烤魚仲可以額外加餸打邊爐，叫左雪花肥牛卷同三國演義。後者即係墨魚三色滑，以三色墨魚滑製成，分別為南瓜味、波菜味同原味，好香好彈牙，幾特別！
然後每人一杯勁量1.3公升嘅特色飲品😳真心大杯，爽歪歪🤘🏻
✨菠蘿Me - 融合蜜瓜、菠蘿同梳打，甜甜地又夠fresh
✨洛柚柚 - 以洛神花、柚子蜜同梳打為主，酸酸甜甜，解辣一流
✨咕嚕咕嚕圍爐肆甜
非常喜歡呢個甜品💛賣相精緻，顏色配搭好靚，味道都好正！
清甜爽滑桂花冰粉，配上士多啤梨/藍莓等水果，仲有啲乳酪爆爆珠添！口感好豐富，酸酸甜甜清涼感滿分！推薦🙌🏻
旁邊仲有四川著名小食「金滿地糍粑」。由糯米做成嘅糍粑，裹蘸上黃豆粉同黑糖，煙煙韌韌，好味😋
Post
