快樂蜂 (新基商業中心)

Open Now

Now Closed

辣樂脆雞，雞皮炸得微燶微啡脆脆香口，狠狠地連皮帶肉咬開﹗白肉雖然嫩滑多汁濕潤閦令令，不過脆卜卜雞皮實在太咸，吃不消﹗辣味存在感薄弱幾乎感覺不到，只食到咸味。第一次幫襯第一次食，傳聞快樂蜂炸雞唔係好好食架咩？比家鄉雞更好食？但發現強差人意、非常失望。薯蓉，粉口膠黏微暖，黑椒汁嗎？完全食唔出。可口可樂，汽水機的味道始終差少少。舖頭中門大開走晒冷氣，高溫炸雞越食越熱，出晒汗背脊濕晒，大大啖狂啜可樂都不太降到溫。