日日涮 (Closed)

我fd話美孚新開左間打邊爐叫我同佢去試下，於是就去左食，個度都算近地鐵站幾方便，係要上電梯再上層樓梯咁。我地book左位所以唔洗等，如果8點左右walk in食就要等下。我同fd都叫左海鮮盛合、剌身拼盤 + 晚市120分鐘火鍋放題。如果唔要海鮮剌身同雪糕就平啲，不過就得90分鐘。湯底叫左鰹昆布同骨膠原雞湯，正常味道無咩特別。佢啲海鮮好新鮮，絕對值得叫黎食！全部都好足料，呢度係兩人份量，全部都打孖上，龍蝦又超大隻。我覺得個龍蝦滾佢5分鐘左右就ok，肉質鮮嫩多汁，一個字爽！其他例如鮑魚有趙口、扇貝、蜆都好新鮮好有口感。推薦一試！而剌身既種類呢就係師傅任意比既，都新鮮的，可惜除左三文魚其他都唔係我最愛既種類，不過黃色個堆野係爽既。至於肉方面就叫左美國頂級牛小排放題，除左牛小排仲會有黑毛豬豚肉同特選雞腿肉。牛小排口感好薄好soft，建議唔好滾太耐，就會肉質香滑。黑毛豬豚肉都唔錯，肉質唔會話韌，好易咬得開。至於雞腿肉都幾嫩滑，但如果唔小心滾耐左就會無左d嫩滑感，同埋唔係粒粒肉都咁靚。雪糕每人限食一個，飲品都幾多選擇，環境唔錯幾寬落，同枱唔識既話仲有有個牌隔住幾好。