新明記肥牛豬骨煲

Open Now

Now Closed

呢間邊爐成日都坐滿人，walk-in 有位十分好彩。突然好想食醉雞，於是叫左個醉雞鍋。味道其實唔錯，可惜d藥材太碎，好似越食越混濁甘，蓋過左酒香。雞件份量多，又夠滑，整體唔錯。象拔蚌好靚，兩個人食唔到一條，好在可以要半條（$680），fit晒，切片厚度剛剛好，爽脆新鮮，唔錯唔錯！另外再加兩隻蟶子，淥完仲係好大隻，好似大約$30隻，抵！手切肥牛每次必點，維持到水準，夠新鮮、牛味十足唔會韌。魚卜有七件大大條，落水縮少少，不過好滑好彈牙，口感一流。自家雜餃第一次食，係意外驚喜，新鮮上枱唔會雪到硬晒，調味唔錯，估唔到餃都做得甘出色。其他竹笙海帶木耳生菜都幾好，成餐都好滿足，飽到捧住肚走。