Video
Read full review
2022-06-21
816 views
同朋友突然間講起好耐冇食過雞煲..一search之下搵到美林邨有雞煲放題..即刻就響新城市搭車去搵食先入座後店員就黎詢問我哋想要邊個set..同埋介紹有D咩食..最後同朋友就揀咗$198既雞煲·火鍋放題套餐包括每人可以揀3款串燒同埋任飲任食邊爐料。雪櫃見到啲嘢飲好多都係大品牌黎除咗支裝啤酒之外其餘都係任飲。酒鬼嘅我哋已經率先拎咗幾罐啤酒拎之前我都再三問一問店員😂 嘉士伯都任飲？坐低好快後雞煲就嚟咗..二人份量大概有半隻雞。第一次初嘗小辣先..辣度對我哋黎講係岩岩好。鍾意再辣少少嘅朋友，可以試吓挑戰中辣。雞煲醬汁味道好香濃..帶有少少滕椒既麻..雞件亦入哂味響開始食緊雞煲嘅時候我哋都準備嗌定串燒同朋友都主攻食海鮮類我哋一共可以揀六款分別係蒜蓉同埋芝士生蠔/扇貝，翠玉瓜以及墨魚仔。串燒係令我哋最有驚喜嘅估唔到放題都可以食到出面串燒鋪嘅水準蒜蓉生蠔同埋扇貝超級惹味🤤🤤雖然size就唔係話好大隻..但味道真係調教得好好勁想再encore..早知嗌貴一個set就可以任食😥店員見我地雞煲食得差唔多之後就主動會過嚟詢問換上邊爐🫕湯底選擇方面有特濃沙嗲，花膠雞、懷舊醉雞、四川麻辣同埋蕃茄豬骨。同朋友揀
一search之下搵到美林邨有雞煲放題..
即刻就響新城市搭車去搵食先
入座後店員就黎詢問我哋想要邊個set..
同埋介紹有D咩食..
最後同朋友就揀咗$198既雞煲·火鍋放題
套餐包括每人可以揀3款串燒同埋任飲任食邊爐料。
雪櫃見到啲嘢飲好多都係大品牌黎
除咗支裝啤酒之外其餘都係任飲。
酒鬼嘅我哋已經率先拎咗幾罐啤酒
拎之前我都再三問一問店員😂
嘉士伯都任飲？
坐低好快後雞煲就嚟咗..
二人份量大概有半隻雞。第一次初嘗小辣先..
辣度對我哋黎講係岩岩好。
鍾意再辣少少嘅朋友，可以試吓挑戰中辣。
雞煲醬汁味道好香濃..
帶有少少滕椒既麻..雞件亦入哂味
響開始食緊雞煲嘅時候我哋都準備嗌定串燒
同朋友都主攻食海鮮類
我哋一共可以揀六款
分別係蒜蓉同埋芝士生蠔/扇貝，翠玉瓜以及墨魚仔。
串燒係令我哋最有驚喜嘅
估唔到放題都可以食到出面串燒鋪嘅水準
蒜蓉生蠔同埋扇貝超級惹味🤤🤤
雖然size就唔係話好大隻..
但味道真係調教得好好
勁想再encore..
早知嗌貴一個set就可以任食😥
店員見我地雞煲食得差唔多之後
就主動會過嚟詢問換上邊爐🫕
湯底選擇方面有特濃沙嗲，花膠雞、懷舊醉雞、四川麻辣同埋蕃茄豬骨。
同朋友揀咗特濃沙嗲
一嚟到就聞到好濃好香既濃濃沙嗲味
即刻叫返幾碟牛肉同埋配菜先
安格斯肩胛牛肉- 肉質滑以及牛味豐富
安格斯牛板腱 - 雪花比例好好
西班牙黑毛豬 - 肉質肥嫩
另外仲叫咗蝦，鴨血同埋蚌片
蚌片鮮味非常，咬落唔腥..encore左兩次
打邊爐又點少得炸魚皮
索哂D沙嗲濃湯
由於個沙嗲湯底真係太香濃
平時出去打邊爐（尤其係任食嘅）
真係從來未試過要叫公仔麵..
但係同朋友太想食到濃濃嘅沙嗲牛肉麵
最後邪惡地叫多咗一個麵。
簡直係大滿足
Post
