喜亭軒 (Closed)

講起打邊爐，呢一個一年四季都唔可以缺少嘅活動，無論咩時候都係約朋友最佳既聚腳地！今日收工約朋友喺旺角行街，經過朗豪坊斜對面，就見到一間好顯眼嘅邊爐樓上鋪，地點方便，燃起左我同友人「烚吓烚吓」既興致！雞煲海鮮放題套餐有兩款選擇，我哋揀咗B餐-美國SRF黑毛和牛($308)。落單之後就會有一盤刺身（頭盤免費，其後追加需收費）作為開胃菜，份量係間人數而定，種類都係常見嘅刺身配搭，雖然係火鍋店，但係一啲都唔馬虎👍🏻，食到三文魚嘅鮮味，赤蝦嘅甜味😋，好期待之後嘅正餐！第一個嚟嘅係雞煲（小辣），同友人第一次食唔夠膽嗌得太辣，雞件同醬汁嘅配搭比例啱啱好，唔會話太鹹，如果係鍾意食辣嘅朋友，建議可以嗌中辣或大辣，記住一定要慢慢食，因為仲有後面重頭戲———黑毛和牛！🤤🤤我哋嗌咗鴛鴦湯底，個人口味係食肉要辣先jeng😋，食菜就清淡啲好啲，終於嚟到最期待嘅環節😋😋美國SRF黑毛和牛落單嗰陣時係要以片數落單，諗唔到上嚟嗰陣時每一片都幾厚身，浸落去辣湯，30秒左右就可以食得🤤，肉質厚實、飽滿，食完之後都即刻再追加！燒肉好驚喜原來可以同時打邊爐加食燒肉，佢喺網上面落單嗰陣時有一個column係嗌一啲醃過嘅肉，今次我