爺爺雞煲皇 (Closed)

是夜中港足球大戰，想找間食店可以一路食飯，一路欣賞精彩球賽。元朗地膽朋友就介紹爺爺雞煲，有卡位坐唔迫，又有大電視。餐廳位於合益街市旁。好彩有路牌，如果唔係幾難搵到。首先係涼拌清瓜$36，夠爽脆，夠入味。前菜，刺身併盤細$118,三文魚腩肥美，帶子大隻，北寄貝爽口，甜蝦鮮甜。八味金磚脆豆腐$48，外皮脆，內面滑。招牌雞煲細$158,中辣口味剛好，汁醬惹味，夠多茜同芹，點了單，雞煲立刻端上來。夠快手！手切牛頸脊細$128,肉質嫩滑，唔肥唔瘦。手打四寶丸$78，蝦牛魚墨，各有千秋。响鈴$38,冰豆腐$28,索汁之選。雖然呢餐唔平，但有人請客，並不肉赤。邊打雞煲，邊睇波，真享受。