Video
Read full review
2015-02-03
8039 views
「家全七福」是「福臨門」的爭產的變種，福記出名食貴嘢，富豪飯堂，七福又怎會不是呢？ 前菜 － 涼拌青瓜、涼拌黑木耳（＄140)，係各＄140，好奇咩？ 幾乎全場最平 ，香煎素藕餅（＄160），前菜呢個叫做最好食，因為有喼汁。 預訂了乳豬一隻（＄1200)，斬件上，個皮的確係脆，收呢個價唔通連個皮都唔脆咩？除了皮脆，隻豬味道不見突出。八寶鴨($420)，不過不失，但隻鴨偏細，有朋友食唔到肉。吊片炒蝦球（＄300)，大概有6隻蝦，4件吊片，最大問題係冇味，唔熱，衰過去飲。黃金蝦球（＄350)今次好嘞，有8隻，最大問題係啲黃金suppose係咸蛋王，唔知佢哋係咪因為大多數客戶都年紀比較大，所以用organic 咸蛋，啲蛋王好似溝咗水咁，當然隻蝦一樣係冇味啦。 湯方面，因為冇例湯，一客蛇羹＄1500話「分到5碗嘅」，所以我哋選擇叫四個羹，分別係：西湖牛肉羹($180)、蟹肉粟米羹($250)、海鮮酸辣羹($400)，每款分到5碗，我得到西湖牛肉羹，得到其餘兩款的朋友都覺得難食，我覺得ok 呀，幾似大家樂呀，有個朋友就話似醫院，睇吓邊間啦，一定唔係養和。 蔬菜有3款，椒絲腐乳唐生菜（＄120)、
預訂了乳豬一隻（＄1200)，斬件上，個皮的確係脆，收呢個價唔通連個皮都唔脆咩？除了皮脆，隻豬味道不見突出。
八寶鴨($420)，不過不失，但隻鴨偏細，有朋友食唔到肉。
吊片炒蝦球（＄300)，大概有6隻蝦，4件吊片，最大問題係冇味，唔熱，衰過去飲。
吊片炒蝦球
$300
96 views
0 likes
0 comments
不知所謂 黃金蝦
$350
123 views
1 likes
0 comments
蔬菜有3款，椒絲腐乳唐生菜（＄120)、蒜子上湯浸芥菜膽（＄130)、薑汁炒芥蘭（＄120)， 椒絲腐乳唐生菜用瓦煲上，難得用瓦煲都可以一啲鑊氣都冇，係咪烚完用瓦煲上？芥菜膽冇芥菜味、 薑汁芥蘭冇薑汁味，大佬，百幾蚊碟菜，可唔可以認真啲呢？
一路食，一路鬧呢個情況都好少出現，兩款肉餅，陳皮蒸牛肉餅（＄180)、咸魚啄肉餅（$270)，真係將全晚氣氛帶到高峰，有人問點解兩款肉餅都可以做到一樣咁霉？其實真係好難；咸魚啄肉餅，係啲咸魚啄啲肉餅，冇話人手啄，真係美麗的誤會。大佬 ，成三舊水一個肉餅，可唔可以認真啲呢？
陳皮蒸牛肉餅
$180
116 views
0 likes
0 comments
我分析過，點解呢餐咁難食，其中一個原因可能係個廚房唔識做「平嘢」，大抵鮑參翅肚可能比較撚手，即係話呢間嘢都只係啱食貴嘢，但是只懂做貴菜，家常小菜卻做得不好，又怎會是一間成功的酒樓？
唯一可以讚係服務，各位阿姐好好笑容，冇sell 我哋食貴嘅，仲讚個朋友自己整個蛋糕靚添。 不過，無論如何，冇下次。
Post
