Video
Read full review
2012-02-10
381 views
又到一年一度的其中一日, 太座選了這裡同自己慶祝這日子, 其實並不是第一次來, 這裡的意大利手指包跟dip sauce十年如一日,從未改變不過個點飽飽嘅醬肯定可以講縮水咗五成, 同十年前比, 以前很慷慨地各一個醬油碟八成滿現在則是一個tea spoon 左右,因為隻碟好淺重得半滿, 待應跟我們講:餐牌上有廚師帽的是這裏比較有名的名物, 所以我們也就點了兩個, 當日叫了兩杯白酒Pinot G. Veneto GL $100 & P. Grigio Ruffino GL $110, 都是待者介紹的, 一杯濃香一杯清淡,由於平日少飲的關係, 不懂評價, 只知唔難飲,先上的是(廚師帽的菜)Tuna Tarar 海胆汁沙律$238 , 我以為好似牛肉他他咁刴碎哂咁上,點知佢地係切成一粒粒骰仔大細咁同某些日式魚生飯面的類似, 個沙律菜底重添加咗些少沙律用海藻更加和風, 海胆汁都有些少海胆味嘅但唔太濃囉,Spelt Soup $108, spelt一種較為古老品種的雜交麥, 現在流行於歐美的健康食品界, 口感似我們的薏米沒什麼味道, 只會有些嚼勁, 這個湯內還有些蘭度豆豆,加上幾片黑色的椰菜我都係第
待應跟我們講:餐牌上有廚師帽的是這裏比較有名的名物, 所以我們也就點了兩個,
當日叫了兩杯白酒Pinot G. Veneto GL $100 & P. Grigio Ruffino GL $110, 都是待者介紹的, 一杯濃香一杯清淡,由於平日少飲的關係, 不懂評價, 只知唔難飲,
先上的是(廚師帽的菜)Tuna Tarar 海胆汁沙律$238 , 我以為好似牛肉他他咁刴碎哂咁上,點知佢地係切成一粒粒骰仔大細咁同某些日式魚生飯面的類似, 個沙律菜底重添加咗些少沙律用海藻更加和風, 海胆汁都有些少海胆味嘅但唔太濃囉,
Spelt Soup $108, spelt一種較為古老品種的雜交麥, 現在流行於歐美的健康食品界, 口感似我們的薏米沒什麼味道, 只會有些嚼勁, 這個湯內還有些蘭度豆豆,加上幾片黑色的椰菜我都係第一次見黑色椰菜片, 再飾以三片香腸,但香腸已經煮淋身及出了味,沒什麼味道的淋香腸片, 湯底係雞湯帶少少辛辣, 整個感覺有點北非亞爾及利亞那種在沙漠邊緣飲嘅湯,幾原始下,
(廚師帽的菜)Pumpkin Ravioli $238 南瓜茸意大利云吞配白忌廉汁,飾以幾小舊鵝肝,一攞埋嚟就已經聞到芝士味陣陣攻上, 鵝肝夠滑, 三隻云吞淪為配菜了,
Whole Sea Bass $448 原條海鱸魚用烤爐半蒸煮咁整熟後由女部長在客人面前拆骨起柳, 再淋上用烤鱸魚剩下的魚汁推成一個稀汁, 太座評語: 同蒸熟差不多口感但整條魚起出來嘅魚柳都不少的, 當然我也要幫手啦, 唔會覺難食但沒什麼驚喜, 雖說是起了骨但那是大骨,細的軟骨之類還是有的, 各位食友如果要叫這魚的話最好留意一下自己是否擅長於食魚骨了,太座最後加了句:Seabass呢次都應該是最後一次叫了!
Hare Leg $398 見話這個二月份有入口野味食, 咁咪試下囉, 野兔脾肉去骨捲入香草, 應該係用紅酒浸咗一,兩晚拿去煎封, 再輕輕煮一下, 搞埋個汁出場, 比較西式嘅農家菜, 不過野兔並沒有太重野味嘅味道, 肉質介乎雞肉同豬肉之間, 個汁同肉內都充滿香草, 頂唔順香草嘅人客會暗暗叫苦, 始終這樣煮會有少少”炆”嘅感覺, 唔似平時食開那些香口嘅西洋嘢, 特別在的只是材料本身,
Soft Dark Chocolate with Saffron Icecream $118 呢個甜品待應叫它”心太軟”但來到的是一舊巧克力蛋糕伴藏紅花味雪糕, 或者待應誤解了餐牌啦, 因為餐牌都係寫soft 唔係 melted, 雪糕嘅藏紅花味只係好微, 個蛋糕新鮮整出嚟唔會太差嘅,只係如果要比較的話”Nobu”那個會是物有所值咁囉, 平時寫嘢好少將兩間食肆去比較但有時也有例外的,這裡的整個甜品稍稍偏甜,感覺麻麻地,
Coffee $55 話係illy coffee但唔知點解,杯啡攞到埋嚟,個面嗰層Crema 唔係簿係”無”囉, 只有少量嘅泡浮於面,一般新鮮壓搾出來嘅咖啡都會有啦, 呢杯似蒸餾咖啡樣囉, 雖然個味係壓搾出來嘅咖啡, 但真的唔似樣囉
檸檬茶$55 太座無評語即係無問題啦
跟茶一齊上的Petit four都係十年如一日無變,怕甜的還是覺得過甜,
整體食物質素唔係差只係沒有想像中的令人為之一震的印象,
下次再來晚餐的話可能又是另一個十年後了,
Other Info. :
那天可能中午”攝”親下, 黃昏食飯時飲兩啖白酒已經少少上頭, 食到尾直頭係有少少關節痛想瞓教了, 唔知點解,來這裡食晚餐梗會有d事發生的, 還記得應該十多年前,當年好似係也是慶祝生日飯,同當年還未係太座嘅女友來吃飯,點知食食下,野豬老闆急call要求幫手, 唯有以極速食完餐飯, 再截的士去沙田倉分貨, 食完都唔知食咗乜?!
(The above review is the personal opinion of a user which does not represent OpenRice's point of view.)
Post
