Video
Read full review
2024-08-18
270 views
呢個餐廳個名，唔識讀哈哈，但我懷疑後面嗰兩個台灣拼音都係「那個」。第一次嚟呢間餐廳係去試佢地個大雞排，但嗰陣去嘅分店無左了，應該就係搬左嚟利奧坊呢度。講真利奧坊真係啲唔就腳，但出乎意料地，去到夜晚都幾多人幫襯，果然餐廳好食就會吸引到人。滷香無骨豬髀便當滷得好入味，豬髀一向食嘅唔係肉，係層皮，呢度值回票價！一入口就係骨膠原嘅感覺，好QQ。啲肉汁亦都有好好咁鎖住，同埋最好嘅係佢無骨，啱晒我呢啲懶人。肥就肥㗎啦，最多返去跑多兩下步。臺灣手工丸湯麵估唔到佢有六粒丸咁多，花枝丸同貢丸各三粒，都真係食得出手工做同機打嘅分別，手工當然無機造咁細緻，但就係呢種粗糙感先令食落更有口感。關廟麵口感好，好彈牙，就算浸得耐左，都唔會覺得佢淋晒。應該係我見識少，大腸麵線見得多，蛤蜊麵線真係第一次食。麵線同大腸麵線嘅一樣好幼身，順住就會飲埋落去咁。湯汁唔會太稠杰，比較輕身啲。香酥台南蝦卷外層有啲酥脆，裏面蝦卷就多汁彈牙。黑糖波霸奶茶呢啲standard野啦，啲珍珠幾有咬口，又唔會太硬，煮得剛剛好。鳳梨冬瓜茶都係因為未見過先叫的，黑糖冬瓜茶、檸檬冬瓜茶都常見，配鳳梨係意想不到嘅夾，一入口係鳳梨嘅甜味，但最後回甘嗰下
滷香無骨豬髀便當滷得好入味，豬髀一向食嘅唔係肉，係層皮，呢度值回票價！一入口就係骨膠原嘅感覺，好QQ。啲肉汁亦都有好好咁鎖住，同埋最好嘅係佢無骨，啱晒我呢啲懶人。肥就肥㗎啦，最多返去跑多兩下步。
臺灣手工丸湯麵估唔到佢有六粒丸咁多，花枝丸同貢丸各三粒，都真係食得出手工做同機打嘅分別，手工當然無機造咁細緻，但就係呢種粗糙感先令食落更有口感。關廟麵口感好，好彈牙，就算浸得耐左，都唔會覺得佢淋晒。
應該係我見識少，大腸麵線見得多，蛤蜊麵線真係第一次食。麵線同大腸麵線嘅一樣好幼身，順住就會飲埋落去咁。湯汁唔會太稠杰，比較輕身啲。
香酥台南蝦卷外層有啲酥脆，裏面蝦卷就多汁彈牙。
黑糖波霸奶茶呢啲standard野啦，啲珍珠幾有咬口，又唔會太硬，煮得剛剛好。
鳳梨冬瓜茶都係因為未見過先叫的，黑糖冬瓜茶、檸檬冬瓜茶都常見，配鳳梨係意想不到嘅夾，一入口係鳳梨嘅甜味，但最後回甘嗰下反而係冬瓜茶嘅味道，好神奇。有埋松義仙草係因為佢除左係那個ㄋㄚˋ ㄍㄜ嘅副線甜品店之外，喺那個ㄋㄚˋ ㄍㄜ都可以叫埋佢地嘅甜品！開心仔！
芒果丸子愛玉凍上面嗰層係有啲以前許留山多芒小丸子嘅friend，有芒果冰、新鮮芒果同小丸子，但唔同在於佢鋪底嘅係愛玉，可以中和返上面嘅甜膩，咁先可以走得更遠食第二碗！
另一款叫左椰汁芋圓冰燕，椰汁味好濃，濃到係一開蓋就已經撲過嚟嗰種。芋圓、蕃薯圓好煙韌，冰燕就好細碎爽口，多重嘅口感。
餐廳環境好有feel，如果唔係咁多人，我都想去打下咭扮下文青，食物質素都好好，係需要encore的！= 那個ㄋㄚˋ ㄍㄜ // 大角咀利得街11號利奧坊地下G501-G503號舖 // 27911077 =
Post
