Video
Read full review
2016-02-18
1979 views
下雨天總掛念從前，香港人近年講集體回憶，其實台灣人又何嘗不緬懷過去？有人付諸行動，以八十年代台灣校園做主題，開設呢間CAFE。 星期日嘅官塘工業區人跡罕至，唯獨呢度門庭若市，絡繹不絕。等位呢三十分鐘我無浪費到，游走餐廳每一角落。店內以小學為藍本設計，唔計舊物舊玩具，最多嘅係漫畫書，放滿書架隨便翻閱。枱櫈都係小學生SIZE,似班房多過餐廳。 落ORDER好似快餐店咁，先付款後取餐，比完錢店員會比個感應器你，當食物準備好，放喺枱面隻感應器會震到響，提醒你有嘢食。 台灣紅燒牛肉便當($48)牛肉炆得腍滑，非常入味，配葱花榨菜一齊食，口感豐富，入口爽脆，送飯一流！ 夜市鹽酥雞便當($55)炸雞塊香口鬆脆，肉質JUICY,但味道太重，一路食不停要飲嘢同食飯抵消鹹味，充滿台灣風味。 朱古力泡沫($35)傻氣長頸鹿花紋杯，盛載暖笠笠朱古力飲品，可可味濃郁，大熱天氣飲真係全身標汗。 紫薯拿鐵($35)真材實料。紫色奶泡好萌，淡香咖啡味，入口熱辣辣，味道偏甜，又係冬天暖身嘅恩物，但夏天飲就滴晒汗喇平心而論，食物水準中規中
下雨天總掛念從前，香港人近年講集體回憶，其實台灣人又何嘗不緬懷過去？有人付諸行動，以八十年代台灣校園做主題，開設呢間CAFE。
星期日嘅官塘工業區人跡罕至，唯獨呢度門庭若市，絡繹不絕。等位呢三十分鐘我無浪費到，游走餐廳每一角落。店內以小學為藍本設計，唔計舊物舊玩具，最多嘅係漫畫書，放滿書架隨便翻閱。枱櫈都係小學生SIZE,似班房多過餐廳。
落ORDER好似快餐店咁，先付款後取餐，比完錢店員會比個感應器你，當食物準備好，放喺枱面隻感應器會震到響，提醒你有嘢食。
台灣紅燒牛肉便當
$48
111 views
0 likes
0 comments
台灣紅燒牛肉便當($48)
牛肉炆得腍滑，非常入味，配葱花榨菜一齊食，口感豐富，入口爽脆，送飯一流！
夜市鹽酥雞便當
$55
80 views
0 likes
0 comments
夜市鹽酥雞便當($55)
炸雞塊香口鬆脆，肉質JUICY,但味道太重，一路食不停要飲嘢同食飯抵消鹹味，充滿台灣風味。
朱古力泡泡
$35
52 views
0 likes
0 comments
朱古力泡沫($35)
傻氣長頸鹿花紋杯，盛載暖笠笠朱古力飲品，可可味濃郁，大熱天氣飲真係全身標汗。
紫薯拿鐵
$35
46 views
0 likes
0 comments
紫薯拿鐵($35)
真材實料。紫色奶泡好萌，淡香咖啡味，入口熱辣辣，味道偏甜，又係冬天暖身嘅恩物，但夏天飲就滴晒汗喇
平心而論，食物水準中規中矩，可以要跟足台灣原來味道，對我嚟講味道偏鹹，可幸咖啡調配出色，下次嚟重溫兒時舊夢，都係試小食為妙。
Post
