掌壽司 (Closed)

近期開餐都比較喜愛於工業區，交通方便，選擇越來越多。今日揀了老婆最愛的壽司，餐廳佈置好日式的，坐位亦相當寬敞舒適。最估唔到服務員係比商場食店多，所以服務都較有效率。招牌沙律：沙律菜新鮮清爽，豆腐好滑好味。壽司盛：白蝦，鮮甜好味，超多料入口好豐富，第一次食這款，確實出色，仲要有金薄，好豪華；中拖羅，肥厚，入口滑滑；油甘魚，魚味都ok。岩鹽燒廣島蠔：熱騰騰送上，當然第一時間品賞啦！蠔肉帶點微鹹，更能帶出其鮮甜美味。北海道四元豚肉鍋：日式湯底好甜，仲勁多蔬菜，超健康；二人份量，豚肉相當大碟，肉質鮮嫰，好軟有口感，肉味又濃。豆腐雪糕：好香滑的豆腐味，值得一試。