Video
Read full review
2021-11-16
433 views
平日返工咁沉悶，都想搵返啲民間小食過下癮。今日黎左呢間又開新分店紅到不得了既東南亞餐廳食lunch 過下口癮。因為黎到發覺餐牌既食實在太吸引，可惜胃容量好有限，所以其實我係專登分開兩次黎食，試完先寫食評🤣🤣先講野飲，美祿恐龍:相信十個有八個黎得嘅都忍唔住會叫呢杯邪惡嘅飲品🤣確實又真係好好飲。本身美祿同奶都沖得好濃，加埋厚厚既美祿粉，真係想唔好飲都難🤣啖啖朱古力味~唯一係如果唔鍾意咁甜嘅人，可能就會嫌佢太甜。不過我自己好OK😂人哋都落到咁足料你仲怕咩肥🤪椰香咖央多士: 中意食咖央醬，偏甜口味同唔中意鮮牛油既朋友仔可以食呢個~咖央多士算係standard菜式黎，比出面食既麵包烤得算好脆。不過我個人都係比較推介另外一款😂如果你有quota又唔介意食鮮牛油的話，一定係食下面果款先夠過癮。海南鴛鴦燒麵包: 呢個多士我真係黎兩次都食足兩次😂實在太好食。麵包啡色係因為係焦糖麵包，聽聞係每日空運到港的。而且麵包係烤到勁脆，脆到分唔出邊度係麵包皮同麵包肉，果然加左焦糖既麵包烤出黎係特別啲。另外呢款多士咖央醬相對冇咁多，所以會冇咁甜，但佢就多左塊厚鮮油。而味道有幾好食就真係唔洗講😂又脆又香，濃濃既脂肪味同
先講野飲，美祿恐龍:
相信十個有八個黎得嘅都忍唔住會叫呢杯邪惡嘅飲品🤣確實又真係好好飲。本身美祿同奶都沖得好濃，加埋厚厚既美祿粉，真係想唔好飲都難🤣啖啖朱古力味~唯一係如果唔鍾意咁甜嘅人，可能就會嫌佢太甜。不過我自己好OK😂人哋都落到咁足料你仲怕咩肥🤪
美祿恐龍
18 views
0 likes
0 comments
椰香咖央多士: 中意食咖央醬，偏甜口味同唔中意鮮牛油既朋友仔可以食呢個~咖央多士算係standard菜式黎，比出面食既麵包烤得算好脆。不過我個人都係比較推介另外一款😂如果你有quota又唔介意食鮮牛油的話，一定係食下面果款先夠過癮。
椰香咖央多士
13 views
0 likes
0 comments
海南鴛鴦燒麵包: 呢個多士我真係黎兩次都食足兩次😂實在太好食。麵包啡色係因為係焦糖麵包，聽聞係每日空運到港的。而且麵包係烤到勁脆，脆到分唔出邊度係麵包皮同麵包肉，果然加左焦糖既麵包烤出黎係特別啲。另外呢款多士咖央醬相對冇咁多，所以會冇咁甜，但佢就多左塊厚鮮油。而味道有幾好食就真係唔洗講😂又脆又香，濃濃既脂肪味同咖央醬既甜味溝埋，食每一啖都係天堂~真係要放低手機食，好好感受呢個味道😍🤩呢個真係絕對次次黎都要食！
海南鴛鴦燒麵包
20 views
0 likes
0 comments
魚仔蘿蔔糕: 蘿蔔糕份量都唔少，而且煎出黎超級熱，所以食既時候要小心燙親。蘿蔔糕本身都好幼滑同淋身，出面煎到有少少焦脆。但重點係個魚仔醬好香。味道有啲似XO醬，但咸香味更加出，而且都有啲辣。呢道小食真係好有東南亞feel，夠哂exotic同惹味，不過都有啲咸，中意重口味既人士一定要叫！
魚仔蘿蔔糕
13 views
0 likes
0 comments
怡保雞絲湯貴叼: 呢個雞湯貴叼真係建議大家唔使試。因為真係超級淡口味😂雖然雞絲都幾彈牙，但係湯底真係好清。雖然係有特別嘅清湯味，不過個feel真係好似病人餐咁😂黎得食東南亞菜就唔好食嘅個🥲
怡保雞絲湯貴叼
14 views
0 likes
0 comments
檳城福建蝦麵: 身為一個鍾意蝦膏湯底嘅人士，點可以唔試呢個油面! 果然冇令我失望，蝦湯味非常之香濃，有少許辣味，夾埋油麵食超級正。上面仲有半隻蛋一隻蝦同埋兩塊魚片，兩塊豬腩肉，加埋芽菜同通菜，同埋炸蒜頭，香到不得了！呢個麵值得encore！
檳城福建蝦麵
15 views
0 likes
0 comments
招牌砂煲老鼠粉: 呢個粉其實係豉油王銀針粉，上面有肉鬆，銀魚仔，蛋，炸蒜等等。可以揀生蛋或者熟蛋。上菜既時候超級熱辣辣，出哂煙。味道方面就中規中矩，食唔出特別香or惹味。不過勝在份量夠大份，兩個人食勁飽。
招牌砂煲老鼠粉
17 views
0 likes
0 comments
總括而言蘇媽整體食物質數都唔錯，冇中伏但又唔係道道菜都好驚艷。裝修好復古懷舊，坐得唔算超逼，上菜都幾快。雖然冇一食哂野就俾佢收碟趕走，不過呢啲餐廳仔都唔係適合久坐。價錢方面都係大概100鬆啲一位，對我黎講係屬於回頭率都係高既餐。希望佢會開多幾間分店！
Price: (Lunch ~$120/pax.)
Post
