大渣哥茶記 (Closed)

去開灣仔、銅鑼灣交界做嘢，做完嘢當然貪方便喺附近搵嘢食。以前成日去開渣哥食炸燒賣，大渣哥反而真係唔就腳，今次係第一次幫襯。餐牌勁多選擇，真係會選到困難症發作。揀咗炸雞髀配薯條，睇社交平台話由於雞髀size參差，如果個髀太細就會搭多隻雞翼，所以我今日得到「髀翼雙飛」套餐。炸雞髀外皮脆但依然保到到雞肉滑又juicy，而且真係啖啖肉；雞翼都係熱辣辣，估唔到係全翼，雖然無雞髀咁多肉，不過都係皮脆肉滑。薯條熱辣辣又夠脆，其實食炸嘢就預咗油膩，不過呢度幾樣嘢都無食到成口油，真係意料之外。熱華田就正常程度，唔會太甜。