Grill n More (Closed)

買完嘢兩點幾諗住食個Tea，行行下嚟咗Popcorn上面搵嘢食。同行朋友揀咗呢間餐廳，佢話試過食燒肉放題，味道都唔錯，所以我地就入咗去食lu。我地叫咗一份鐵板泡菜豚肉炒鳥冬同埋芝士炸雞配薯條，兩個人share～鐵板泡菜豚肉炒鳥冬，泡菜唔係好辣，我自己唔係好食得辣，覺得啱啱好；豬肉係五花腩，食落唔係好油而且爽脆；烏冬煙煙韌韌幾好食。另外下午茶竟然有芝士炸雞～～出面啲韓式炸雞店啲炸雞總是太大份，好容易食唔哂，呢度就細細份用鐵板上，過下癮就好，都幾啱下午茶食。雞肉都算脆，而且鐵板夠熱，芝士都好拉絲，另外薯條點芝士呢個配搭都唔錯～因為啲嘢食好熱，我地破戒飲咗汽水XD有機會我嚟試下個放題先！