熨烤達人 (Closed)

韓式燒烤料理店「熨烤達人」好耐無食韓燒了，今日因為多朋友一齊聚舊，由鑽石山站行去荷里活廣場5分鐘就到餐廳，我地6點入場，平日呢個鐘數岩岩好唔多人，到7、8點時，人流開始多，好彩早到，唔洗等。因為限聚關係，店員安排兩張大枱，等我地可以唔洗分隔咁遠傾計，又問我地有咩需要隨時可搵佢，服務態度細心。環境乾淨，裝修好韓式風格，一入門口有好大隻3D公仔，夠曬型好壯觀，入面播住韓星歌，令我朋友十分歡喜，一路食一路聽，好陶醉，而每個爐都有一個抽油煙機，油煙都吸得好好，唔怕油煙味重。前菜有韓國菜必備的泡菜、芽菜同蘿蔔。（本身唔係好食得辣，但泡菜對我黎講超好食，酸酸甜甜好開胃，連我都食到。）草莓乳酸梳打好驚喜，顏色吸引，大杯，好夠飲士多啤梨Cinder Special配韓燒一流，仲配多支好似七喜比你唔夠加落去，份量超大（可以飲到正常杯Size x3杯）（發現飲曬再加味道仲正，配韓燒一流）磚頭五花腩（好煙韌、份量好厚實）一口雪花牛粒（細細粒，咬落好盞鬼，咬落去肉汁就出曬黎，肉汁飽滿）調味豬皮（以為好難咬，但食落有驚喜，煙韌得黎好柔軟，超推薦！）特級雪花牛（肉嫩好香牛味，口態一流，推薦！）芝士飛碟呢個我超鍾意