Video
Read full review
2019-09-30
3312 views
對於其他人我唔知，但自已就覺得係本年度最大驚喜Buffet。 位處屯門的青山路段的黃金海岸酒店，坐擁無敵海景，著名的戶外BUFFET，能聽著海浪聲，伴隨海風，加上令人有 Pool Side Party feel 既露天BBQ場，以往在屯門定居時，已成了在下跟太太常到訪的好地方。自助餐有粉麵檔一點都不足為奇，但竟然會提升至比海鮮更重要地位，就真係第一次。原因係泰籍師傅用上五味子鴨湯，香濃鴨味，但又湯色清澈，配料更加不得了，賣相飽滿的怡保芽菜，另外，更有邪惡到絕既鴨腸同雞膶，仲未夠？加埋雞紅，再澆上炸過既蒜油，真係好食到人都癲。原隻琵琶鴨明爐炭火燒烤，無限量供應，特意叫師傅原隻鴨脾免切，連埋鴨腸、鴨肉河一齊食，真係無得輸。整個戶外區洋溢著BBQ下的肉香，可能近日秋意漸濃，竟然不覺得熱。除了琵琶鴨外，仲有炭燒雞翼、炭燒豬頸肉、炭燒越南大頭蝦、炭燒雜錦沙嗲、炭燒香蕉、炭燒乳豬與及香辣泰式蕉葉烤魚，全部都有專人燒烤，環顧全香港，有咁大規模既，真係只此一家。鏡頭一轉，入返室內。Seafood Station 到訪過不少次，但以今次最佳，不論種類及質數，都令人滿意。波士頓龍蝦好多都有嫣紅的蝦
對於其他人我唔知，但自已就覺得係本年度最大驚喜Buffet。位處屯門的青山路段的黃金海岸酒店，坐擁無敵海景，著名的戶外BUFFET，能聽著海浪聲，伴隨海風，加上令人有 Pool Side Party feel 既露天BBQ場，以往在屯門定居時，已成了在下跟太太常到訪的好地方。
自助餐有粉麵檔一點都不足為奇，但竟然會提升至比海鮮更重要地位，就真係第一次。
原因係泰籍師傅用上五味子鴨湯，香濃鴨味，但又湯色清澈，配料更加不得了，賣相飽滿的怡保芽菜，另外，更有邪惡到絕既鴨腸同雞膶，仲未夠？加埋雞紅，再澆上炸過既蒜油，真係好食到人都癲。
原隻琵琶鴨明爐炭火燒烤，無限量供應，特意叫師傅原隻鴨脾免切，連埋鴨腸、鴨肉河一齊食，真係無得輸。
整個戶外區洋溢著BBQ下的肉香，可能近日秋意漸濃，竟然不覺得熱。
除了琵琶鴨外，仲有炭燒雞翼、炭燒豬頸肉、炭燒越南大頭蝦、炭燒雜錦沙嗲、炭燒香蕉、炭燒乳豬與及香辣泰式蕉葉烤魚，全部都有專人燒烤，環顧全香港，有咁大規模既，真係只此一家。鏡頭一轉，入返室內。
Seafood Station
到訪過不少次，但以今次最佳，不論種類及質數，都令人滿意。
波士頓龍蝦好多都有嫣紅的蝦膏，所以好受歡迎。
另外，仲有雪花蟹腳、貴妃蟹、翡翠螺、青口、紐西蘭青口同埋白酒煮維納斯紅蜆，單是海鮮，已經係一個回本位。
刺身、壽司帶子一開二都覺得厚肉，油甘魚、三文魚、吞拿魚、八爪魚同鯛魚，絲毫沒有雪味，解凍處理得相當好。
西瓜八爪魚露筍凍批好有創意，以賣相取勝，味道就一般了。
芒果什菜米紙卷就清新香甜。
Carving Station燒肉眼
火喉控制得不錯，中間位是 medium rare，肉味濃，簡單的灑點鹽提鮮已經好正。
另外，仲有雞春雞同埋威靈頓三文魚。
香煎鵝肝配意大利黑醋及紅莓如果不怕膽固醇，可以食返件鵝肝，因為有酸酸地既黑醋及紅莓平衡油膩感。
仲有即整章魚小丸子，又真係好少係buffet見到。熱葷
波士頓龍蝦米多
烤至芝士半溶，龍蝦肉甜美彈牙，跟凍食是另有一番滋味。
蕃茄芝士藍青口又係即煮，仲要熱辣辣放落車打芝士內，用熱力溶化芝士，必食。
蒜蓉粉絲蒸扇貝
其實位置係灼檔旁邊，計落又真係幾多海鮮喎！
清蒸比目魚實在好大條，蒸得又啱火喉， 而且冇乜碎骨，所以好快就畀人清碟。
炒龍蝦鉗啖啖用，好惹味。
焗比目魚三文魚卷配紅花忌廉汁
肉質鬆軟，醬汁尤其甜美，不錯。
加上香煎味噌鰽魚、香煎鴨胸配紅椰菜、香草烤雜菜、茄汁海鮮意粉 、海鮮瑤柱炒飯、螺片燴椰菜和炒油麵，論陣容及質素，比起幾年前進步良多。
咖喱
有印式咖喱羊、印式牛油雞、印式芝士咖喱、印式烤魚、印式烤雞與及泰式青咖哩雞，味道不會太辣，最衰無白飯，咖喱汁撈飯一流。
點心
只有燒賣、蒸牛肉球及珍珠雞，都幾受歡迎，貪心一點，如果再多三幾款就好了。
炸物
講到炸物就一定有天婦羅，有蝦、軟殼蟹、番薯及南瓜，炸漿算薄，但油份可以瀝得更清。
另外有炸蝦春卷、泰式蝦餅、炸魚粒配香橙文厘汁、香脆歐蝶魚柳配芒果他他汁。
前菜有五味子鴨舌、五味子豬耳、五味子和牛頰肉、醉雞及蒜泥白肉，好輕盈，不會太佔胃納。
Cold Cut
有煙火腿、風乾牛肉、沙樂美腸、意大利火腿、巴馬火腿、紅菜頭彩虹魚及挪威煙三文魚。
沙律
有凱撒沙律、地中海沙律、海鮮意大利粉沙律、八爪魚西芹汁青瓜沙律、燒南瓜羊奶芝士及蝦沙律、德國薯仔沙律、藜麥蟹肉沙律、泰式雞絲沙律、涼拌海蜇及中華沙律，都幾多選擇。
芝士
提供了Emmental、Gruyere、Gouda、Brie 及 Goat Cheese。
灼檔
除了室內的鴨肉湯河檔外，其實戶外的灼檔更大型，差不多講得出既菜都有，韭菜花、通菜、西生菜、菜心、娃娃菜、芥蘭、油麥菜及白菜，仲可以配腐乳蠔油豉油或香蒜油。
而皮蛋瘦肉粥就放係灼檔位，大家好容易走漏眼。
甜品
雪糕有Movenpick（朱古力、香草及草莓）、Dreyer's（十勝紅豆）及哈根大師（比利時朱古力）三大品牌都有。
即整窩夫，最啱加杯雪糕一齊食。
原個蛋糕有Tiramisu、Blueberry Cheese Cake 、Strawberry Cream Cake、60% 朱古力餅、 栗子忌廉餅、焗黃梅撻及青檸批。
另一邊的甜品櫃有雜錦迷你泡芙、歌劇院蛋糕、焗柑撻、紅豆綠茶瑞士卷、迷你cupcake、熱情果芝士餅、brownies、果撻及馬卡龍。
仲有綠茶奇亞籽布甸、焦糖布甸、木糠布甸、朱古力慕絲、白酒啫喱與及芒果奶凍。
至於朱古力噴泉，會有兩種口味，而且賣相好得意。
Kid's Corner
位於大堂最後的地方，一不留神就會忽略了。
話明係小朋友天地，當然有細路好啱既爆谷，仲有Candy Bar 、Rainbow jelly、迷你cupcake同埋Kitkat，真係大人細路都照顧到。
值得一提的是，酒店在戶外設有「智能回收」機，既可以令廢物循環再用，又可以儲積分換獎賞，一個W W的安排，係香港「呎金吋土」的情況下，都寧願擺部機係度，值得大家支持。P.S : 晚餐供應時間，星期一至日 18:30-21:30 。
價錢：
星期一至五: 成人$598 / 小童$358 / 長者$458
星期六、日、公衆假期及其前夕: 成人$658 / 小童$398 / 長者$498
*另收加一服務費。
*供應期: 即日至2019年10月20日
以上優惠不適用於部份指定日子。
網上預訂優惠：
最少兩天前透過網上預訂系統訂座及繳付全數，即可享高達7
折*優惠。
兌換方法：列印優惠券並於用餐前向餐廳店員出示列印本
*只適用於每台最多 12 位客
Post
