怒茶巷 (Closed)

放假同家姐一齊黎行葵廣，行到想食野即刻上最高個層搵食兼搵野飲😆 咁啱見到呢間位置唔算好起眼嘅怒茶巷，佢個鋪位咁啱縮左入條巷到🤣 一望鋪面係間良心小店，即刻要支持下💛💛💛佢野飲種類都算多，我地要左一杯芝士三重抹茶，同埋一杯芒果大馬士革綠茶，唔使等好耐就有得飲了!先黎試下杯芝士抹茶，望下個面，除左厚厚嘅奶蓋，仲有用抹茶粉整個啲pattern出黎，賣相即加分😆 個個蓋都好貼心，方便唔飲時可以擰埋個口。味道方面，一飲第一啖個奶蓋超濃(好邪惡🤣)，再大啖啲飲終於飲到抹茶，都好香濃！兩樣夾埋好似食緊抹茶cheesecake咁😋😋再試下個香芒大馬士革綠茶，同芝士抹茶係兩個世界，更有驚喜，因為好清新，特別飲完芝士嗰杯後，呢個酸酸地即刻清下口腔😆😆而且佢唔會好甜，成個感覺都好light! 下次黎再試下其他先😆😆😋