PizzaExpress (時代廣場)

Open Now

Now Closed

平日夜晚，時代廣場靜英英，唔怪得要推廣夜經濟。食嘢又幾好，好chill，間舖幾大，樓底有上下高，感覺一啲都唔局促，坐下hea下好舒服，連鎖店好就好在唔限時。 食個任性嘅晚餐，甜品拼盤有朱古力雪糕，朱古力蛋糕同tiramisu, 底嗰啲係士多啤梨醬同開心果碎，朱古力嗰兩樣超好食！tiramisu好creamy, 但咖啡味唔夠濃，成個感覺偏淡。中間嗰件散咗一角都唔砌返，都幾求其。甜品配鮮奶咖啡無頂彈！一啖甜一啖苦，衝擊味蕾同個腦，今日第x杯咖啡，所以叫咗decaf 服務好好，我入座前問門口接待嘅經理係咪有意粉半價呢個優惠，佢答係之後，仲主動提我要叫一樣嘢先可以享用呢個優惠，其實我無留意，佢估到會有啲咁嘅客，幾醒。食食下我張紙巾飛咗落地下，隔一陣，有個職員主動拎過一張畀我！好貼心！