La Crêperie (蘇杭街) (Closed)

食左好多次le creperie, 今次終於的起心肝，寫佢既食評。位於上環既店，中午往往是full house，不只港人，重有好多外國人會黎食。咁你都諗到有幾好食啦。中午 既lunch set好抵食呀，有一款咸 既，有一款甜 既，仲有一杯野飲比你揀，都係$120 - 150 蚊鬆。如果唔係lunch 去食，一塊crepe要成80幾90蚊，所以lunch set係絕對超值。由於個人10分喜愛芝士，所以鹹 既我揀左La Complete Galettes，食材好平同好簡單， 芝士配上ham 既鹹味岩岩好，鹹味 既Galettes邊皮脆脆地。 不過芝士食得多好濟架。食完咸既crepe 已經好胞，但好戲在後頭，女人係有兩個胃既。好貪心，又想食朱古力又想食焦糖既我，簡chocolate and caramel crepe 就最岩，crepe 皮係完全軟林林， 雖然唔係好多醬，甜味岩岩好，唔太甜，但焦糖 味會蓋過朱古力味，如果係鍾意食朱古力多d 既朋友，可以只揀朱古力味。食完好滿足。