西樹泡芙 (朗豪坊)

Open Now

Now Closed

每次經過朗豪坊果條甜品蛋糕街都相當興奮，各式各樣嘅蛋糕甜品琳瑯滿目，相當邪惡。今次就俾呢間啲泡芙吸引咗，買咗幾個返屋企同屋企人share。甜蜜之戀 $32呢隻味應該係情人節限定新款，粉紅色充滿少女感，而且甜蜜。士多啤梨布丁食落去味道香甜香甜，加上朱古力mousse 嘅幼滑香濃，用鬆脆嘅泡芙夾住食味道相當有層次豐富。朱古力三重奏 $31呢個朱古力控必試，黑朱古力味超級香濃，首先係酥脆嘅朱古力泡芙，然後Creamy Creamy嘅特濃幼滑朱古力mousse，加上一啲脆脆嘅Nuts口感好豐富。雖然係勁多朱古力，但係唔會好甜，食晒成個都唔會膩。金莎榛子牛奶布丁泡芺 $29呢一個係北海道3.6牛乳系列，裏面嘅布丁係牛奶布丁，香濃creamy，奶味香濃。金莎榛子mousse，充滿榛子香之餘口感又滑又滑，再配上脆脆的榛子果粒，增加口感，成個泡芙又係超級好好食。