炊豕店 (曉悅) (Closed)

同朋友打算去長沙灣食蛋撻，搵下有咩食既時候見到呢間好似都唔錯就揀左呢間😛。地點唔太近地鐵站，6點鬆啲都無乜人。①蔥油豬扒飯見到佢人氣推介所以就揀左，真係無推介錯😍！豬扒炸得好脆，厚得黎唔痴牙，仲要俾左好多蔥油，食落唔油膩但就極邪惡🤤…②大阪燒豬扒飯即個其實即係加平時大阪燒既醬同配料，即係加蛋黃醬同鰹魚絲。開頭食覺得幾過癮，都幾香。但食食下就好膩有啲滯😐。③麻辣炸魚蛋意外地唔錯，麻同辣都交到功課👍🏻，少少麻，小辣。魚蛋都幾彈牙，不過$25得5粒性價比唔高🧐。