翠華冰廳 (Closed)

荃灣廣場開左翠華冰廳，給人煥然一新的感覺，成間餐廳裝修考究，帶有書卷味，好多書型的裝飾，令氣氛輕鬆又和諧。趁午飯時間，來試試佢既味道，竟然中西合併，選擇又幾豐富。我這個食肉獸睇中左邪惡咖哩豬扒飯，上菜時間就稍微慢左d,不過冇令我失望，咖哩豬扒同米飯系分開呈上，米飯乾爽，可以根據自己喜好淋咖哩汁，咖哩汁有少少辣，如果唔食得太辣都可以自行撇走辣油，豬扒大大塊，大過塊面有余，有兩大塊咁多，足夠送飯。我鐘意將豬扒先放去米飯一齊，再淋少少咖哩汁，真系超邪惡，咖哩汁實在惹味。一邊食邪惡咖哩豬扒飯，一邊嘆雪雪濃滑絲襪奶茶凍，將底層的奶茶凍搖勻，就會好似吸到啫喱咁，口感絲滑，冰涼享受。