Angry Oppa Restaurant & Bar (Closed)

原來尖沙咀開咗好多韓國餐廳，間間都好似差唔多咁，係冇乜寄望之下，求求期期入咗去呢一間叫做Angry Oppa 的餐廳，貪佢個名夠特別🤗兩個人叫咗三款嘢食，首先出場係海鮮湯鍋，一人份量啱啱好，好新鮮! 跟住係韓式薯泥pizza，呢個真係好好味，可能因為我鍾意食薯仔關係，我成個清左，連啲邊邊黐住左芝士嘅地方都唔放過。跟住係韓式大蝦熔岩pizza，呢個啲芝士最勁！可以拉花咁拉！好邪惡啊！😶😶賣單$500 左右連埋＋1，食到飽晒。滿足滿足。