人和月雞煲火鍋店 (Closed)

好耐冇食過雞煲火鍋放題，但係又食厭咗平時旺角創興嗰一堆，今次就嘗試吓呢一間叫做人和月嘅火鍋放題😋-✨火鍋頭盤火鍋頭盤四選一，有雞煲、酸菜魚、韓國芝士雞等等嘅嘢食。我哋加咗$58升級頭盤做酥皮麻辣芝士雞煲😋呢個雞煲有酥皮有芝士超級邪惡！店員會喺你面前處理面頭嘅酥皮，唔使驚塊酥皮太大塊唔識搞🤣-✨冬瓜野菌湯火鍋放題由於食咗一個重口味嘅雞煲，火鍋湯底我哋就揀咗一個比較清淡嘅冬瓜湯，可以冇咁熱氣。但係其實除咗冬瓜湯之外亦都有好多唔同款式嘅湯底例如牛奶湯，麻辣湯，任君選擇。-✨唔同部位嘅牛肉呢一個套餐可以食咗好多唔同部位嘅牛肉，雪花肥牛，牛版健，牛下肩，牛胸爽。牛胸爽個質感非常特別，牛肉嘅香味亦都好明顯，非常推薦-✨其他配料除咗牛肉之外亦都有大量嘅配料。我最鍾意嘅就係墨魚滑，鯇魚片，全部都好新鮮同埋爽口😜-✨甜品區林尾仲有一個甜品區域 你可以根據自己嘅喜好嚟整一個台式嘅仙草甜品 自製仙草又真係第一次！