米走雞Deluxe (Moved) New Location

突然好想食芝士鍋，所以就上網搜尋下邊到有得食，見米走雞有個芝士雞煲都幾吸引，而且火鍋配料可以選擇半份，岩曬我地兩個人，所以就決定去試下喇！黃金芝士雞煲(細)雞煲可以自選芝士份量，我地簡左正常，但已經鋪滿澎湃既芝士碎，店員叮囑吾好打開蓋攪拌，煮好就會過黎幫我地打開個蓋，一直望住d芝士慢慢融化，真係好邪惡呀！等左大約十分鐘左右，終於有得食喇！一打開個蓋就有好香既芝士味飄過黎，雞同芝士混成一體，雞件大件又多肉，雞肉仲好嫰滑添，細煲份量都幾多，足夠兩個人食。鴨肝M5和牛丸(半份)自家手打和牛丸口感彈牙又juicy，肉味香濃，鴨肝係藏左係中間，充滿羶香味。哈哈蝦中寶（半份）自家手打超巨型蝦丸，整顆都充滿蝦仁，蝦肉非常新鮮，爽口彈牙。日本廣島蠔 (6隻)廣島蠔肥美飽滿，蠔味濃郁。