Video
Read full review
2018-08-07
194 views
近一年都唔係好鍾意去尖沙咀，食嘢性價比唔高，人多車多，放假都冇啲感覺。同一個價錢反而去港島選擇更多，仲有啲歐陸嘅感覺。但最近常常光顧呢一間黃色清新小店，佢比到我國外同埋假日嘅感覺💖❤️ 店子小小，門面同裏面卻盡是影相位。店員服務好、音樂同花材正；我的朋友唔食辣嘅都好鍾意佢哋辣辣地嘅雞翼同埋雞漢堡；要豬有好味手撕豬，要牛就有優質安格斯牛牛，雞牛豬都juicy到癲!雖然漢堡係主打，但係小食都唔弱。平時食洋蔥圈啲皮會離開晒，而且好多粉同油，最後放棄左大部分皮。喺呢度我能夠每mm食哂落肚~ 所有炸物，係大家傾完一輪計影完一輪相都仍然係又脆又新鮮又好味! 冇咩罪惡感~~而今日想特別推介佢哋新出嘅特濃芝士漢堡Mega Cheese Burger! 請看圖：識玩一定要配埋臘燭道具，紀念日、生日、朋友聚會搞氣氛、小港女呃like扮識煮野食必備! 好有成功感!人少或冇信心亦可請店主幫忙倒芝士，方便影相拍片
但最近常常光顧呢一間黃色清新小店，佢比到我國外同埋假日嘅感覺💖❤️ 店子小小，門面同裏面卻盡是影相位。
店員服務好、音樂同花材正；
我的朋友唔食辣嘅都好鍾意佢哋辣辣地嘅雞翼同埋雞漢堡；要豬有好味手撕豬，要牛就有優質安格斯牛牛，雞牛豬都juicy到癲!
雖然漢堡係主打，但係小食都唔弱。平時食洋蔥圈啲皮會離開晒，而且好多粉同油，最後放棄左大部分皮。喺呢度我能夠每mm食哂落肚~ 所有炸物，係大家傾完一輪計影完一輪相都仍然係又脆又新鮮又好味! 冇咩罪惡感~~
而今日想特別推介佢哋新出嘅特濃芝士漢堡Mega Cheese Burger! 請看圖：
識玩一定要配埋臘燭道具，紀念日、生日、朋友聚會搞氣氛、小港女呃like扮識煮野食必備! 好有成功感!
人少或冇信心亦可請店主幫忙倒芝士，方便影相拍片
Post
