新記芝士麵 (Closed)

開會開到成9點, 一肚氣要食番餐來補一補, 唔理三七一肥死把就。一人鯨吞一碗豬頸肉芝士麵, 加多碟芝心丸再整杯咸檸七一個普通不過既公仔麵加個唔普通既香濃芝士汁, 散發出一股誘人魅力。佢既豬頸肉既邊皮位黑媽媽就係佢最好食之處, 香口有種咸香係自家醃出來既一種特有味道。芝心丸咪就係有得食有得玩咁囉, 咬落去祈待佢爆果一刻, 但又驚佢亂噴芝士(因為佢內心芝士爆棚), 又炸到熱辣辣, 想一啖都唔得, 真係一啖一驚心。今晚芝士迷一定愛死, 但食飽我就行番2個巴士站先上車, 自欺欺人式咁減少罪惡感。