四季餐廳

Open Now

Now Closed

我去左葵芳，搞掂d野已經4:30，勁想食下午茶。葵芳呢個地方真係好偏遠，好彩附近都有個商場，但係餐廳選擇唔多，於是我地求其揀左間餐廳就算。粒粒金磚西多士配脆香惡魔炸雞脾（$40）想食西多士又想食雞脾就叫左個粒粒金磚西多士配脆香惡魔炸雞脾，一次過滿足我兩個要求。西多士好特別，佢唔似平時d西多大大塊正方形，然後佢係細細地嘅正方形，唔洗自己切，有3舊，份量啱演好。西多士都係炸得好香，蛋香濃郁，炸到金黃色，好好食！佢比左個兜裝糖漿，方便你點，但係牛油放左喺其中一舊上面，好難搽埋其他嘅西多士。雞脾大大舊，炸到好香脆可口，仲要熱辣辣，雞脾肉仲要好滑，值得一試！仲配埋杯凍奶茶，正！凍奶茶不過不失。食完呢個下午茶飽到夜晚唔洗食。