一門 (Closed)

和朋友6:30pm到，只有三枱客左右，座下超過十分鐘，完全冇人比水或茶你，但兩米距離左右企滿員工，大概有七八人，圍咗兩三個圈傾計中。我伸手叫侍應，有一男一女緊貼一條木柱，收到我伸手後互望一眼，木無表情，後來男的過來；我說：麻煩比杯茶我哋！男説：茶要收銭喎！叫了茶送到了，立即歸位緊貼木柱，再繼續和女的一起緊守柱位，擺出一副勿再煩我的表情；隨後兩三分鐘左右，一位男侍應剛好經過我們身邊，好大聲咁向住各位侍應講：要兩杯水，客人話茶要比錢唔要茶喎！之後陸續人多，都有遇到服務態度好少少的侍應，但整體的感覺是可能他們太好生意唔休做！應該不會再來了！怕麻煩到佢哋啲員工要提供服務。