少爺泰 (Closed)

沙田區不嬲係美食沙漠，見到新開咗間泰國菜咁多人讚好梗係要試下!夜晚都算幾多人，全場爆滿。 一坐低叫咗個泰式拼盤同冬陰功湯試下先 泰式拼盤每一樣小食都好難食， 但冬陰功湯好好飲， 夠辣 ，有少少椰味但又唔會蓋過辣味同材料香味，好飲!叫咗碗珍寶粉， 不過不失啦湯底都算濃， 而且 材料足夠分量足夠， 但唯獨係丸類有少少腥。炒飯好食，夠香口，如果可以乾身多少少更好。燒雞好食!但略嫌細隻同肉質老。 但整體香口皮脆。全餐飯最最最最最難食係條明爐烏頭，每人食咗一啖都食唔落去，極度腥， 魚肉鬆散， 超級無敵難食仲話係皇牌菜式整體6/10