K-POT 部隊鍋 (Closed)

呢個韓式邊爐真係可以一試, 精髓就集中於個火鍋湯底中。今次試左兩個唔同口味嘅湯底, 一個係人氣特強嘅部隊湯鍋, 另一個就係有養生之效嘅人參雞湯鍋。味道一濃一清,各有滋味! 部隊鍋個湯底有少少辣, 但只屬輕微, 唔太食得辣嘅人都會接受到, 味道好味, 帶有少少甜, 用作打邊爐簡直一流, 而且唔便再加其他醬油調味料, 食物落鍋後吸收左湯底精華, 已經好入味!人參雞湯又係另一種層次, 好濃香嘅雞湯味, 仲帶少少人參嘅甘甜, 成個湯飲上嚟感覺好滋潤,真係好養生!肉類要預先揀好一個set, 店員會按照檯號而呈上相應價錢的肉類, 牛肉都分幾種, 落order時一定要講明要乜野牛肉, 否則店員只會隨意拎一個部位的牛肉呈上, 呢個要切記。火鍋食材選擇都算豐富, 所以推介一下。