郭仔記粥麵專家

Open Now

Now Closed

餐廳位於大埔，附近好多嘢食，今次想食地道嘢就㨂咗呢間。先睇餐牌，茶記嚟講個餐牌整得好精緻，大部分餐都附有圖片，幾吸引。嚟到梗係要食車仔麵，啲選擇好多，而且都幾抵食嘅。最低消費兩餸一麵，即係最平$28已經食到。另外仲有得加$8有六粒燒賣食。今次我就叫咗四個餸，豆卜、蘿蔔、鹵水雞蛋、豬頸肉配油麵。油麵個麵質唔錯，唔會黏笠，雞蛋鹵得好夠味，而蘿蔔好夠淋又入味。另外叫咗個生菜魚肉，好足料，啲魚肉多到滿瀉咁濟，而魚味幾香，個湯好香甜而間舖標榜無味精，所以都飲得幾安心。