Video
Read full review
2002-06-08
4 views
早兩日去o左灣仔生記食飯, 慶祝阿爸節(見另一已出之食評), 覺得麻麻地. 尋日去機場送機. 入閘前食dinner, 唯一o岩爸媽食就係呢間中菜館囉.o係機場都預o左佢貴. 不過, 都無法啦, 我地五個人, 叫了一個四人套餐:豆腐羹( 仲有d 料, 似似地碗仔翅, 味精多了點, 不過過得去啦)蝦仁帶子西蘭花( 都幾好食, 不太油, 蝦都算爽)豆腐班腩煲( 正式名好似唔係咁, 不過d 料係咁, 豆腐淡了點, 魚鹹了點, 汁太杰, 不過都過得去啦)蟹肉扒菜( 小棠菜有少少苦, 而且為了賣相美觀, 太大棵啦, 難d 進食. 不過d 蟹肉獻都ok, 唔算好鹹)燒味雙拼( 叉雞, 最好食係叉燒! 真係美心一貫水準! 可惜太少了, d 白切雞好似o係非洲返來, 好少肉呀! )甜品( 有綠豆沙, 豆花同合桃露揀. 我食合桃, 都ok 啦)除o左一個?, 我地另外叫了一個蒜蓉莧菜. 阿媽話d 菜合時, 一定好食. 我都覺, 不過, 一睇單呢個菜要70 蚊呀(阿媽話o係街市, 7 蚊都食到你暈)! 於是一個五百幾蚊的餐, 加一個菜, 三個白飯, 茶錢, 10% 等, 五個人就食了八百幾蚊! 不過, 念在
o係機場都預o左佢貴. 不過, 都無法啦, 我地五個人, 叫了一個四人套餐:
豆腐羹( 仲有d 料, 似似地碗仔翅, 味精多了點, 不過過得去啦)
蝦仁帶子西蘭花( 都幾好食, 不太油, 蝦都算爽)
豆腐班腩煲( 正式名好似唔係咁, 不過d 料係咁, 豆腐淡了點, 魚鹹了點, 汁太杰, 不過都過得去啦)
蟹肉扒菜( 小棠菜有少少苦, 而且為了賣相美觀, 太大棵啦, 難d 進食. 不過d 蟹肉獻都ok, 唔算好鹹)
燒味雙拼( 叉雞, 最好食係叉燒! 真係美心一貫水準! 可惜太少了, d 白切雞好似o係非洲返來, 好少肉呀! )
甜品( 有綠豆沙, 豆花同合桃露揀. 我食合桃, 都ok 啦)
除o左一個?, 我地另外叫了一個蒜蓉莧菜. 阿媽話d 菜合時, 一定好食. 我都覺, 不過, 一睇單呢個菜要70 蚊呀(阿媽話o係街市, 7 蚊都食到你暈)! 於是一個五百幾蚊的餐, 加一個菜, 三個白飯, 茶錢, 10% 等, 五個人就食了八百幾蚊! 不過, 念在佢o係機場, 環境服務都不錯, 食味不差( 但當然唔係impressive 啦), 而且份量都算多( 可能我地三個女細食d 啦, 如果四個男仔食可能就o岩o岩好, 大食就不夠). 所以如果去開機場想食中菜, 呢間都ok o架. 起碼佢唔會仗住自己係獨家村就求求其其啦.
Post