海天花園酒家

Open Now

Now Closed

沒有來呢度差不多一年多了，是日大雪，雖然天氣凍但陽光普照，呢度好適合駕車來飲茶，星期六放假十二點剛好有位，不用等。呢度推介的生滾鹹鷄粥，粥底好綿滑，鷄肉都好嫩，配點冬菜，口感非常。懷舊的上湯潮洲粉果，有韮皇的上湯另上的，粉果外面的皮又熱又脆，饀料有蝦夠爽，怕熱氣的可浸一下上湯，再吃都可以嘅。豉汁蒸魚雲，肉好滑吸收咗豉汁香味，份量十足。炸乳鴿，太燶了，肉質好乾好鞋，有點失望。豉汁蒸鳳爪及蝦餃，蝦餃皮厚咗少少，鳳爪夠冧，色澤差少少。錦鹵雲吞，汁好酸，又唔夠味道，雲吞唔脆。豬腳薑醋，有兩隻鷄蛋，但浸得未夠入未，未夠奈，薑夠辣，甜醋稀咗少少。生竹牛肉球無食過，賣相麻麻，似鯪魚球多啲。煎薄餅，唔夠脆，油膩咗啲。炸魷魚鬚，睇落好似炸薯條，賣相吸引，但一咬下去就硬咗少少。牛肉腸粉，賣相幾好，目測應該好食的，因為好飽無食過。蘿蔔絲餅，好驚喜，芝麻餅皮好脆口，熱騰騰的蘿蔔絲，非常好味😋😋👍🏻👍🏻。