幸福堂 (明發大廈) (Closed)

之前飲過凍嘅黑糖珍珠鮮奶，覺得好飲值得encore，今日經過就試下熱嘅質素又係點。熱嘅感覺個奶味勁左啲，唔知點解飲到少少椰子味，個人都係比較prefer凍飲，比較好飲啲。另外原來熱飲都係用呢種膠杯裝，上面層焦糖就係直接喺呢個膠杯杯面用火槍燒溶，唔知燒嘅時候如果燒到杯邊係咪依然安全呢食用呢？如果呢隻膠係有呢種耐燒功能的話，希望可以貼出來講聲，大家都會飲得安心啲。Overall覺得encore凍嘅可以，如果喜歡奶味濃啲嘅人士可以選擇熱嘅。