友記甜品 (Closed)

今日同老公陪完屋企人食飯之後，心思思想落去路德圍食個糖水，好多人都知路德圍有好多間糖水舖，但我一路都比較傾向食友記。一黎佢係開得最耐，二黎佢仲有小食，三黎糖水款式比較好味。我今次食左個涼粉雪糕椰汁糕：天氣咁熱，梗係要食個涼粉加雪糕cool down 下，涼粉當然都係街市買個d，但特別在配埋椰汁糕，本身我好中意食椰汁糕，呢度嘅椰汁糕夠香椰汁味，但又唔會太甜，一流。連埋個雪糕一齊食真係透心涼。老公叫左個楊枝甘露，老公話好香芒果味，柚子又唔會太苦太甘，都好多芒果下。我女食左個芒果布甸，個面都好多芒果肉，唔會太甜，我女好快食哂。