築地‧山貴水產市場 (Closed)

早期開的時候經常有報道都話勁多人，又要預早成個月訂位，又或者要排長龍入去。依家人流就少好多了，可能地點問題，十分唔就腳。6:30左右有表演，但是不是晚晚都有就唔知啦，因人數太少(得十幾人)都遲了一些先開始。條鮪魚非常大，如未睇過都值得睇睇，之後都有少少比大家試食。一入門口就是小型超市，品種不算太多，行Sogo、City Super好過，將d地方轉埋餐廳仲好。都有幾多海鮮選擇，做磯燒一流龍蝦包是其中一檔，行過幾次都唔見有人食我就幫襯咗食壽司，真係有點失望，選擇非常少。沒有免費清水供應，綠茶$8一杯，個職員話無加一所以茶要收費。Order咗壽司盛Set B $98，壽司盛Set C $98，另外散叫多兩件，壽司好新鮮，但可惜選擇太少。龍蝦泡飯就十分細碗，龍蝦尾半隻，龍蝦應該不是新鮮的，沒有鮮味，一粒蜆，一粒壕，個湯就好鲜甜，加返d分，都值得一試。野菜烏冬都ok，最可惜是細碗囉……整體上食品質素都唔錯，價錢就偏貴些少。如果將店舖合併就好好多，多好多選擇。如揀食壽司就無丼或燒海鮮食，食磯燒海鮮就無得揀壽司。要食齊……走來走去囉……，所以都係幫襯一、兩次。