Video
Read full review
2016-05-04
210 views
老公放假要去搵朋友，去左十年都唔去一次既土瓜灣估唔到呢度都有間蒸海鮮，老公話要試一試雖然門仔細細，不過上到去都幾大感覺幾開揚，裝修都新淨仲有卡位添呢度都有海鮮套餐不過平個個我又有D野唔食，貴又貴得滯，不如散叫幾樣野試下啦~不過尼，呢度都好多係時價黎，落單時真係要問清問楚~除左蒸海鮮，仲有刺身食，不過今日主打蒸野，刺身都係留番去日本鋪頭食啦~呢度既調味係放係張枱度，雖然無平時個D咁多，不過干淨企理 (其實我平時都係食呢幾樣就夠)行出去睇過D海鮮，以大野居多，反而無咩貝殼類同蜆仔個D~ 至於個蒸爐，蓋係半透明，可以望住入面D野熟未~呢張宣傳單張，臨走先到見~@@除左刺身，呢度連生蠔都有添~ 仲要10蚊隻~原來有得送粥底，不過我都係後尾先見到，加上又飽，所以無要到了~總之，成張單既優惠都無左~ ><3頭大元貝HKD 68 / 隻 元貝蒸到九成熟，好嫩滑，唔痴牙蟲草花8頭鮑魚仔HKD 55/隻要讚一下鮑魚洗得超干淨聖子王HKD 58/隻好大隻，又係清理得好好~以上的海鮮，基本上真係清蒸，無任何調味料，只加幾粒蔥~不過，唔知係清理得太過干淨，好似無咩海鮮味~加上又無加任何調味，所
估唔到呢度都有間蒸海鮮，老公話要試一試
雖然門仔細細，不過上到去都幾大
感覺幾開揚，裝修都新淨
仲有卡位添
呢度都有海鮮套餐不過平個個我又有D野唔食，貴又貴得滯，
不如散叫幾樣野試下啦~
不過尼，呢度都好多係時價黎，落單時真係要問清問楚~
除左蒸海鮮，仲有刺身食，不過今日主打蒸野，刺身都係留番去日本鋪頭食啦~呢度既調味係放係張枱度，雖然無平時個D咁多，不過干淨企理 (其實我平時都係食呢幾樣就夠)
行出去睇過D海鮮，以大野居多，反而無咩貝殼類同蜆仔個D~
至於個蒸爐，蓋係半透明，可以望住入面D野熟未~
呢張宣傳單張，臨走先到見~@@除左刺身，呢度連生蠔都有添~ 仲要10蚊隻~
原來有得送粥底，不過我都係後尾先見到，加上又飽，所以無要到了~
總之，成張單既優惠都無左~ ><
3頭大元貝
HKD 68 / 隻
元貝蒸到九成熟，好嫩滑，唔痴牙
蟲草花8頭鮑魚仔
HKD 55/隻
要讚一下鮑魚洗得超干淨聖子王
HKD 58/隻
好大隻，又係清理得好好~以上的海鮮，基本上真係清蒸，無任何調味料，只加幾粒蔥~
不過，唔知係清理得太過干淨，好似無咩海鮮味~
加上又無加任何調味，所以，都不得不加番D調味料去提下味~
蒸雲吞
HKD 48/半打
我覺得我叫錯野，應該話，雲吞係唔可以蒸的D雲吞皮蒸完後好鬼硬，同落水煮係兩回事~@@
半打雲吞，有3隻係無蝦，3隻有蝦，幾趣緻
唔知係咪頭先的海鮮真係太清，覺得D雲吞餡都幾咸~ 烏雞豚肉丸/手打蝦丸
HKD 60 / 4粒
呢2款丸做得不錯，夠爽口，味道都咸淡適中
而且丸中仲有少少肉粒增加口感
唯一就係貴啦，成15蚊一粒~@@
蟲草花雞HKD 168/半隻
以半隻黎講，份量都算大~
雞肉都蒸得很嫩滑，唔會嚡十十調味算唔錯，初食覺少淡，不過食多幾舊就覺得啱啱好~
呢度望落幾寬敞，不過原來腳下暗藏玄機
因為枱下面有個爐，我老公基本上係要分脾坐~@@ 我雖然腳短，可以坐得舒服D，不過呢，成晚撞到個鐵櫃砰砰聲~@@
是夜平日無咩人，所以待應姐姐成晚就企係我地身邊等D海鮮熟同幫我地換碟~
不過呢，有個人企左係度，我同老公想傾下計都有D尷尬囉~@@
2條友亂咁叫，叫左成8百蚊~@@
呢張單仲未完因為仲要加 18蚊一罐的王老吉同15蚊一罐的可樂~
同埋加一
下次食蒸海鮮，都係食套餐有數計~
Post
