Video
Read full review
2023-03-25
133 views
出開旺角整完嘢，周圍睇吓有冇咩食，行完成條女人街見到呢間舖頭，一生懸麵，嗯，個名似曾相悉，應該係上網見過，咁都留有印象應該好多人講過。知道係食沾麵，我未試過，見唔使等位就不如入去試吓啦。叫咗個辛辣麵，啲湯可以揀凍或熱，凍湯唔好喇啩，梗係熱啦。啲麵條比平時啲拉麵粗，又冇烏冬咁粗，其實更似上海拉麵。呢樣好奇怪，既然係沾麵，即係用麵條浸湯，希望啲湯會黐住啲麵一齊放入口，咁梗係越幼越掛得湯多啦，點會整咁粗㗎？我估計係貪方便，啲麵一早淥定攤凍一碗碗擺喺度，攤耐咗啲麵條會黐埋一餅，越幼越黐，佢俾粗麵唔係為咗口感味道，只係為咗慳時間降低成本。諗到呢度就冇乜癮，為咗驗證我嘅諗法，專登上Wikipedia 睇吓人哋啲沾麵係點。果然，冇一幅相係粗麵，有啲甚至比拉麵更幼。咁樣唔得囉，又唔係茶記，收人成舊水淥一碗爛鬼麵都咁懶，認真啲唔得嘅？雖然食落唔算難食，但啲汁就滴到一枱都係，好難搞。叉燒都嫩滑，湯都夠濃夠味。但如果俾我揀，我寧願食湯拉麵。其實反正都係浸湯食，真係唔明點解要分開上，又唔係外賣驚浸淋啲麵。咁樣做除咗拉長咗個進食時間，又唔見得比湯麵好食咗，搵嚟搞。沾麵呢種食法都係呢幾年忽然間興起，綽頭嘢多。網上
叫咗個辛辣麵，啲湯可以揀凍或熱，凍湯唔好喇啩，梗係熱啦。啲麵條比平時啲拉麵粗，又冇烏冬咁粗，其實更似上海拉麵。呢樣好奇怪，既然係沾麵，即係用麵條浸湯，希望啲湯會黐住啲麵一齊放入口，咁梗係越幼越掛得湯多啦，點會整咁粗㗎？我估計係貪方便，啲麵一早淥定攤凍一碗碗擺喺度，攤耐咗啲麵條會黐埋一餅，越幼越黐，佢俾粗麵唔係為咗口感味道，只係為咗慳時間降低成本。
諗到呢度就冇乜癮，為咗驗證我嘅諗法，專登上Wikipedia 睇吓人哋啲沾麵係點。果然，冇一幅相係粗麵，有啲甚至比拉麵更幼。咁樣唔得囉，又唔係茶記，收人成舊水淥一碗爛鬼麵都咁懶，認真啲唔得嘅？
雖然食落唔算難食，但啲汁就滴到一枱都係，好難搞。叉燒都嫩滑，湯都夠濃夠味。但如果俾我揀，我寧願食湯拉麵。其實反正都係浸湯食，真係唔明點解要分開上，又唔係外賣驚浸淋啲麵。咁樣做除咗拉長咗個進食時間，又唔見得比湯麵好食咗，搵嚟搞。
沾麵呢種食法都係呢幾年忽然間興起，綽頭嘢多。網上吹噓多數唔係因為好食，只係啲網民話俾人知佢發現咗新大陸咁解。到我呢啲走在潮流之後嘅老餅都試過，睇怕潮流已經到咗尾聲了。
辛辣沾麵
$82
11 views
0 likes
0 comments
Post
